City-də nömrə dəyişikliyi: Elliot Anderson 5 nömrəni alır
Yeni transfer Elliot Anderson qarşıdakı mövsümdə komandanın ikonik 5 nömrəli formasını geyinəcək. Bu, sadəcə bir rəqəm deyil. Bu, on il və 20 kubokla iz buraxan klub əfsanəsi, həm də İngiltərə yığmasındakı komanda yoldaşı John Stones-un mirasıdır. Stones yayda klubdan ayrıldı, indi isə həmin məsuliyyətli nömrə Andersonun çiyinlərinə keçir.
Bu rəqəmin tarixi City üçün ağırdır. Pablo Zabaleta, Sylvain Distin, Andy Morrison, Paul Power və Tommy Booth kimi adlar illər boyu 5 nömrəni daşıyıb. İndi bu zəncirin növbəti halqası Anderson olacaq.
Marc Guéhi üçün tanış 6 nömrə
Müdafiə xəttində başqa bir dəyişiklik də var. Marc Guéhi artıq 6 nömrəli formanı geyinəcək. Yanvarda kluba qoşulan və 2025/26 mövsümündə Carabao Cup və FA Cup qələbələri zamanı 15 nömrə altında çıxış edən müdafiəçi, Nathan Ake-dən boş qalan rəqəmi öz adına yazdırıb.
Bu seçim təsadüfi görünmür. 6 nömrə Guéhi üçün köhnə dost kimidir – o, Crystal Palace-də keçirdiyi beş mövsül ərzində məhz bu nömrə ilə tanınırdı. İndi həmin rəqəm City-də onun yeni mərhələsini simvolizə edəcək.
Gianluigi Donnarumma nəhayət 1 nömrəni alır
Qapı xəttində isə ənənə davam edir. Gianluigi Donnarumma artıq klubun yeni 1 nömrəli qapıçısıdır. Bu forma ötən həftə Leeds-ə daimi keçidini rəsmiləşdirən James Trafford-dan sonra boş qalmışdı.
City tarixində 1 nömrə həmişə xüsusi olub. Frank Swift, Bert Trautmann, Joe Corrigan, Tony Coton və Joe Hart kimi ikonik qapıçılar bu ənənəni formalaşdırıb. İndi həmin sıraya Donnarumma da qoşulur.
Ötən mövsüm o, klubda 25 nömrə ilə çıxış edirdi. Lakin milli komandası İtaliya üçün daim 1 nömrəni daşıyıb və PSG-də son mövsümündə də eyni rəqəmlə oynayıb. Həmin mövsümdə o, Ligue 1, Coupe de France, Trophée des Champions və UEFA Champions League titullarını qazanmışdı. İndi isə eyni nömrə ilə City-də yeni səhifə açır.
Gerónimo Rulli üçün köklərə dönüş: 28 nömrə
Bu gün kluba qoşulan Gerónimo Rulli isə 28 nömrəli formanı seçib. Bu, onun üçün nostalji bir addımdır. Karyerasına başladığı Club Estudiantes de La Plata-da da o, məhz 28 nömrəsini geyinirdi. İndi həmin rəqəm City-də yeni mərhələnin başlanğıcını işarələyir.
City-də nömrələr yenilənib, rollar bölüşdürülüb. İndi sual təkcə budur: bu rəqəmlər yeni mövsümdə hansı hekayələri yazacaq?
