John Mousinho Cardiff futbolçularından üzr istədi

Portsmouth baş məşqçisi John Mousinho, Fratton Park-da azarkeşlərlə bağlı yaşanan insidentdən sonra Cardiff City futbolçularına açıq şəkildə üzrünü çatdırıb.

Championship-də Cardiff üzərində 2:0 hesablı qələbə qazandıqları oyunun 72-ci dəqiqəsində gərginlik qəfil yüksəldi. Topu aut xəttindən götürmək üçün tribunaya yaxınlaşan Cardiff müdafiəçisi Krystian Bielik azarkeşlə fiziki təmas yaşadı və bu, meydandakı tempə kölgə saldı.

Cardiff baş məşqçisi Brian Barry-Murphy oyundan sonra iddia edib ki, Bielik “üzündən sillə yeyib”. Sosial şəbəkələrdə yayılan görüntülərdə isə Polşa millisinin üzvünün gənc bir azarkeşi yuxarı bədən nahiyəsindən tutduğu görünür.

Portsmouth tərəfdarlarının bir qismi jestləri ilə azarkeşin guya boğazından sıxıldığını düşündüklərini göstərirdi. Hadisə qısa olsa da, tribunada emosiyanı alovlandırdı.

Gərginlik bununla bitmədi. Ardınca başqa bir azarkeş topu Cardiff müdafiəçisi Perry Ng-in başına tərəf atdı. Hər iki azarkeş stadiondan çıxarılmaqla cəzalandırıldı və Fratton Park-ın alovu bu dəfə xoş olmayan səbəbdən söndürüldü.

John Mousinho oyundan sonra vəziyyəti gizlətmədi, açıq danışdı:

“Hakim dedi ki, Krystian topu götürməyə gedəndə kiçik bir qarışıqlıq olub və azarkeşlərdən biri ona zərbə endirib. Yaxşı epizod deyildi. İndi onu gördüm, vəziyyəti normaldır, amma məsələ bu deyil, belə şeylərə yol verə bilmərik”.

Mousinho, Fratton Park-ın illərdir rəqiblər üçün çətin məkana çevrildiyini xatırlatdı, amma bu sərhədi keçməyin yolverilməz olduğunu vurğuladı:

“Burada çox çətin atmosfer yaratmaq istəyirik, son illərdə bunu bacarmışıq. Bəzən hər şey həddi keçir, bunu başa düşürəm, amma bu dərəcəyə çatmasına ehtiyac yoxdur”.

Sonda o, mesajını aydın qoydu: