Jorge Mendes Ballon d'Or Lamine Yamal haqqında danışır
Jorge Mendes maşına minməzdən əvvəl bir anlığa dayanır, kameralar qarşısında mövqeyini bir daha sərtləşdirir. Sözlərini ölçüb-biçmir, birbaşa deyir.
A Bola nəşrinin yaydığı açıqlamada məşhur menecerin cümlələri kəsərli səslənir:
“Ballon d'Or Lamine Yamal üçündür, heç bir şübhə yoxdur. Ballon d'Or Lamine Yamal üçündür, bunu ən çox o haqq edir. O, dünyanın ən yaxşısıdır, böyük fərqlə, və siz bunu bilirsiniz.”
Bu iddia havadan asılı qalmır. Lamine Yamal özü də yaxın günlərdə Universo Valdano proqramında oxşar özünəinam nümayiş etdirmişdi. Gənc ulduzdan soruşuldu: “Mükafatı kimə verərdin?” Cavabı tərəddüdsüz gəlmişdi:
“Dünyanın ən yaxşı futbolçusuna. Səmimi desəm, dünyanın ən yaxşı futbolçusu məsələsində bəlkə də ikimizik – mən və Mbappe. Və bu il qazandıqlarıma görə bunun mənim haqqım olduğunu düşünürəm.”
La Masia məktəbinin yetirməsi sözünü bir addım da irəli aparmışdı:
“Bəli, mənim üçün hər şey çox aydındır və oyunlara baxan hər kəs bunu bilir.”
Menecerin tribunadan gələn səsi ilə futbolçunun öz inamı üst-üstə düşür. İndi sual təkcə budur: səs verənlər bu qədər qəti mövqeyə qoşulacaqmı?
