Zidane Tchouameni-nin ilk siyahısında yoxdur
Zidane ilk siyahısında Tchouameni-yə qapını bağladı: Mourinho pərdəarxasını açdı
Fransa millisinin yeni baş məşqçisi Zinedine Zidane ilk heyətini açıqladı, dörd oyunu əhatə edən toplanış üçün çağırış siyahısında isə bir ad çatmırdı. Tchouameni.
Qasıq zədəsi ilə boğuşan yarımmüdafiəçi bu mövsüm “Real Madrid” formasıyla cəmi üç dəfə meydana çıxıb, onlardan yalnız birində start heyətində olub – Elche-yə 2:3 hesablı məğlubiyyətdə. Fiziki hazırlıqda geridə qalması onu həm klubda, həm də millidə kənarda qoyan əsas səbəbə çevrilib.
Mourinho-dan açıq mesaj: “Nə mən, nə klub zəng edib”
Madrid derbisindən əvvəl şənbə günü keçirilən mətbuat konfransında Jose Mourinho məsələni özü aydınlaşdırdı. Portuqaliyalı çalışdırıcı açıq şəkildə bildirdi ki, “Real Madrid” Fransa millisinin qərarına heç bir təsir göstərməyib, klub tərəfindən heç bir təzyiq olmayıb.
Onun sözlərinə görə, qərar tam şəkildə Zidane ilə Tchouameni arasında verilib: “Mənim bu qərara heç bir təsirim olmayıb. Mən Zidane-a zəng etmədim, Zidane da mənə zəng etmədi. Xəbəri eşidəndə təəccübləndim. Amma onlar (Zidane və Tchouameni) danışıb razılaşıblar ki, onun üçün ən yaxşısı bu fasilədən istifadə edib edə bilmədiyi yay hazırlığını indi keçməkdir.”
Mourinho vurğuladı ki, düzgün keçməyən yay hazırlığı Tchouameni-nin oyun vaxtını ciddi şəkildə məhdudlaşdırıb. İndi isə bu boşluq doldurulmalıdır.
Klub üçün “privilegiya”, oyunçu üçün şans
Portuqaliyalı məşqçi bu qərarın “Real Madrid” üçün əsl qazanc olduğunu gizlətmədi. Tchouameni nə milli komandanın ağır səfərlərinə, nə də sıx oyun təqviminə qoşulacaq. Bədəni nəhayət nəfəs ala biləcək.
Mourinho əlavə etdi: “Milli komandanın baş məşqçisi ona bildirib ki, gələcək üçün onu hesablarında saxlayır və onlar bu qəradda razılaşıblar. Bu isə bizim üçün privilegiyadır. Çünki derbidən sonra onun istirahət günləri olacaq və o, daha güclü qayıda biləcək.”
Bu anlaşma bir şeyi də aydın göstərir: Tchouameni Fransa millisinin planlarında qalır. İndi yox, amma “sonra” üçün.
Uzun fasilə, böyük imtahan
Bazar günü keçiriləcək Madrid derbisindən sonra “Real Madrid” üçün təqvim birdən-birə boşalır. Növbəti rəsmi matç oktyabrın 10-da “Villarreal”a qarşı olacaq. Dörd gün sonra isə Çempionlar Liqasında “Roma” ilə duel gözlənilir.
Bu qədər geniş bərpa pəncərəsi Tchouameni üçün demək olar ki, ideal ssenaridir. Zədəni tam sağaltmaq, fiziki hazırlığını yığmaq, nəhayət Mourinho-nun start “on birliyi”ndə daimi yerini almaq üçün nadir fürsət.
İndi sual təkcə budur: bu fasilə onu “Real Madrid” üçün sadəcə variant yox, meydanın mərkəzində mütləq fiqura çevirə biləcəkmi?
